Кралицата Елизабета, или по титула кралицата-мајка, му беше сопруга на кралот Џорџ, но и мајка на сегашниот владетел која го носи нејзиното име – кралицата Елизабета Втора. Таа преживеала две светски војни, многу кралски скандали и го доживеала и владеењето на Џорџ, и владеењето на ќерка ѝ Елизабета Втора, која денес уште е на тронот.
Оваа жена била навистина неверојатна личност, а како и секој, и таа си имала некои тајни, кои многумина не ги очекуваат.
Во продолжение погледнете неколку мрачни факти за кралицата-мајка:
Била разгалено и алчно дете
Елизабета имала 9 браќа и сестри, а бидејќи се родени во кралско семејство, сите биле многу разгалени. Ова, се разбира, имало и последици, па Елизабета станала навистина непослушно и алчно дете. Според изворите, во детството му праќала телеграми на татко ѝ барајќи му да ѝ испрати повеќе пари.
Претрпела загуби во Првата светска војна
Елизабета имала околу 14 години кога почнала Првата светска војна и ги почувствувала нејзините ужаси на своја кожа. Од нејзините браќа, дури четворица биле во војната и едниот од нив загинал. Две години подоцна, другиот брат станал воен затвореник.
Воопшто не ја сакала кралската титула
На Елизабета ѝ било страв од тоа нејзиниот сопруг да го наследи престолот, најмногу бидејќи не сакала да си ја изгуби слободата. Таа изјавила дека тогаш нема да може да размислува, ниту да чувствува како што сака.
Неколкупати го одбивала принцот Алберт (Џорџ)
Кога Алберт првпат ја побарал раката на Елизабета, таа одбила, а истото го направила и кога ја прашал вторпат. За тој период од нејзиниот живот има и гласини дека таа се гледала со други мажи и наводно, овие афери предизвикувале многу конфликти во семејството.
Кога Алберт третпат ја побарал за жена, Елизабета конечно прифатила. Три години после венчавката, таа ја родила сегашната кралица Елизабета Втора, а четири години подоцна и принцезата Маргарет.
Ја мразела Волис Симпсон
Само неколку месеци откако Едвард (братот на нејзиниот сопруг) стана крал на Англија, тој се откажа од титулата за да може да се венча со Волис Симпсон. Поради ова, сопругот на Елизабета седна на тронот, а таа стана кралица. Тогаш принцот Алберт си го промени и името, па денес го знаеме како кралот Џорџ Шести.
Елизабета била многу гневна поради ова и отворено ја мразела Волис.
Била перфекционист, а ова ѝ предизвикувало проблеми
За време на Втората светска војна, Елизабета ги посетувала местата во Лондон кои биле уништени од бомбардирање. Но, бидејќи секогаш сакала да изгледа совршено, на овие посети ја носела нејзината најдобра облека. Нормално, овој гест ја разгневил јавноста, па толпите народ почнале да ја нарекуваат со погрдни имиња.
Уште почудно во целата ситуација е што нејзе не ѝ било јасно зошто се гневни.
Хитлер бил исплашен од неа
Адолф Хитлер бил толку заплашен од популарноста на Елизабета низ Англија, што дури ја нарекол „најопасната жена во Европа“.
Имала проблеми со алкохолот
Иако кралицата секогаш изгледала средено и прибрано, изгледа имала сериозен проблем со пиењето. Според изворите таа пиела една пијачка попладне, црвено вино со ручекот, мартини со вечерата и неколку чаши шампањ пред спиење.
Недолично однесување
Во 1947-ма година, додека била на турнеја во Јужна Африка, Елизабета го покажала нејзиното вистинско лице. Имено, некој обожавател се доближил до нејзиниот автомобил, па таа го удрила силно по главата со нејзиниот чадор.
Ги обвинувала Едвард и Волис Симпсон за смртта на сопругот
По смртта на кралот Џорџ, Елизабета изјавила дека тој уште би бил жив ако не морало да го носи товарот на круната. Елизабета била убедена дека откажувањето на Едвард од титулата е единствената причина за смртта на сопругот.
Кралицата била толку гневна, што им забранила на Едвард и Волис да присуствуваат на погребот на кралот Џорџ.
Сама си ја побарала титулата по смртта на кралот
Откако умре Џорџ, на престолот седна нивната ќерка, сегашната кралица Елизабета II, но нејзината мајка не била задоволна што ќе ја изгуби титулата. Па, ѝ предложила на ќерка си да ја добие титулата кралицата Елизабета, кралицата-мајка.
Неконтролирано трошење
Иако нејзината популарност веќе се намалила, за кралицата мајка се појави скандал и во 1998-ма година. Тогаш се дозна дека таа повлекла 4 милиони фунти од сметката на кралското семејство, а со тоа станало јасно колку всушност троши.
Скоро никогаш не зборувала во јавност
Ова е можеби најчудниот факт што можете да го чуете за јавна личност, но кралицата мајка речиси никогаш не зборувала во јавноста. Некој период луѓето ја нарекувале и „Војвотката со насмевка“ поради ова.
Ја мразела Дијана
Кралицата мајка воопшто не ја сакала Дијана, особено после сите скандали со Чарлс. Истовремено, воопшто не ѝ се допаѓало што Дијана станала „принцеза на народот“ и сметала дека со нејзината отвореност кон јавноста, таа го валка кралското семејство.
Елизабета почина на 30-ти март 2002, на 101 година. Во последните години од животот се соочуваше со бројни здравствени проблеми, но сепак успеа да стане еден од членовите на кралското семејство со најдолг живот.
