Течење на носот, гребење на грлото и непрестано кивање, звучи како досадна настинка. Можеби немате апетит на мечка, но сепак треба да јадете нешто. Правилната храна може да помогне во зајакнувањето на вашиот имунолошки систем и да ја подобри вашата состојба побрзо, додека погрешната храна може да направи да се чувствувате уште полошо.
Храна која треба да се избегнува:
1. Јагоди
Јагодите се големи ослободувачи на хистамин, кој може да стане вистински кошмар за носот и синусите.
2. Слатки
Слатките производи имаат многу шеќер, што е последното нешто што ви треба кога сте болни. Јадењето шеќер може привремено да го потисне вашиот имунолошки систем и способноста на белите крвни клетки да се борат со микробите што ве прават болни.
3. Преработена храна
Не целата преработена храна е нездрава или лош избор, но некои од нив може да содржат високо ниво на сол, шеќер и маснотии. И овие состојки се рецепт за воспаление и може да го одложат процесот на заздравување на вашето тело. Имајќи го тоа предвид, солени закуски, безалкохолни пијалоци, житарици за појадок, сланина или колбаси треба да останат на страна.
4. Кисела храна
Овие намирници содржат оцет или сол, кои се состојки кои можат да го зголемат воспалението и болки во грлото.
5. Крцкава храна
Ако имате кашлица или болки во грлото, јадењето крцкави грицки како што се крекери, начос, чипс од компири можат да дејствуваат како шмиргла за вашето грло. Овие намирници можат лошо да го иритираат грлото, што значи продолжување на вашето страдање.
Храна која можете да ја јадете:
1. Пилешка супа
Ве одржува хидрирани, хранлива е, смирувачки делува и студиите сугерираат дека има антиинфламаторно дејство што може да им помогне на вашите симптоми на настинка.
2. Чили пиперки
Можеби сакате малку да ги зачините оброците. Пиперките од чили имаат нешто што се нарекува капсаицин, состојка која може да ви ги олесни симптомите. Ова работи како деконгестив и експекторанс, што значи дека може да разбие слуз и да го олесни кашлањето и затнат нос.
3. Ѓумбир
Топла чаша чај од ѓумбир може да ви биде најдобар пријател. Овој моќен корен има аналгетски и антиинфламаторни ефекти кои помагаат во борбата против вирусот.
4. Печурки
Не само што се вкусни, туку и печурките имаат одлични здравствени својства. Тие се имунитетни засилувачи и богат извор на селен, магнезиум и цинк. Нивните силни антивирусни својства ги прават фантастична храна за време на грип и настинка.
5. Брусница
Овие скапоцени камења со рубин-црвена боја се преполни со витамин Ц и антиоксиданс наречен кверцетин што може да му даде на вашиот имунолошки систем добро заслужено засилување.
