Францускиот физичар Етјен Клајн упати извинување откако призна дека фотографијата од ѕвездата „Proxima Centauri“, која пред неколку дена ја објави на својот Твитер профил, е всушност фотографија од парче колбас.
„Фотографија од „Proxima Centauri“, најблиската ѕвезда до Сонцето која е оддалечена од нас 4,2 светлосни години“, напиша Клајн заедно со фотографија од ѕвезда, односно колбас. Тој додаде дека фотографијата е направена од телескопот „Џејмс Веб“ на НАСА, а го пофали и нивото на детали кои можат да се видат.
„Ден по ден се открива нов свет“, заклучил физичарот.
Photo de Proxima du Centaure, l’étoile la plus proche du Soleil, située à 4,2 année-lumière de nous.
Elle a été prise par le JWST.
Ce niveau de détails… Un nouveau monde se dévoile jour après jour. pic.twitter.com/88UBbHDQ7Z— Etienne KLEIN (@EtienneKlein) July 31, 2022
Луѓето на Твитер во главно сфатиле дека станува збор за шега, но истата не им се допаднала на сите.
„Со оглед на тоа што сте научник и истражувач и знаете со каква брзина се шират лажните информации, несоодветно е да споделувате вакви работи без веднаш да напоменете дека се лажни“, напишал еден корисник.
„Да научиме да бидеме претпазливи“
Поттикнат од коментарите и прозивките, Клајн упатил извинување.
„Со оглед на некои коментари се чувствувам должен да објаснам дека твитот кој прикажува наводна слика од „Proxima Centauri“ беше форма на забава. Да научиме да бидеме претпазливи кон аргументите на авторитетот, како и кон спонтаната елоквентност на одредени слики“, напишал физичарот.
Au vu de certains commentaires, je me sens obligé de préciser que ce tweet montrant un prétendu cliché de Proxima du Centaure relevait d’une forme d’amusement. Apprenons à nous méfier des arguments d’autorité autant que de l’éloquence spontanée de certaines images….
— Etienne KLEIN (@EtienneKlein) July 31, 2022
Bon, quand sonne l’heure de l’apéritif, les biais cognitifs semblent s’en donner à cœur joie… Gare, donc, à eux. Selon la cosmologie contemporaine, nul objet relevant de la charcuterie espagnole n’existe ailleurs que sur Terre.
— Etienne KLEIN (@EtienneKlein) July 31, 2022
Со шеговит тон додал дека, според современата космологија, ниту една работа која постои во месарниците не постои никаде освен на Земјата.
