Без разлика дали поради озборување, желба за контрола или потценување на другите, особено помладите, многу луѓе несвесно си создаваат проблеми во односот со луѓето.
Со овие навики, или грешки, тие само се оддалечуваат од другите, а уште полошо е што неретко, вината ја бараат кај нив, а не кај себе.
Па, погледнете кои се најчестите лоши навики со кои луѓето сами си создаваат проблеми со другите:
Гo исмејуваат она што не им е јасно
ќи се да ја прикријат несигурноста што ја чувствуваат кога ќе се соочат со нешто што не им е јасно, некои луѓе не бараат објаснување, туку го исмејуваат тоа.
Ако, на пример, се води дискусија за тема што не им е позната, тие не поставуваат прашања за да научат нешто во врска со тоа, туку дофрлаат коментари како „Тоа се глупости“.
Со ова однесување само се оддалечуваат од другите.
Ги обвинуваат другите за нивните проблеми
Премногу е лесно да барате вина кај другите кога нештата не одат по план, но некогаш мора да ги преиспитате и вашите постапки.
Да, некои проблеми во животот настануваат поради други луѓе, но ако сте убедени дека вие секогаш сте во право и никогаш не правите грешки, не си правите никаква услуга.
Не ги сфаќаат помладите сериозно
Ако некој е помлад од вас, не значи дека не можете да научите ништо од него. Земете ја за пример технологијата – ако сте во вашите 50-ти, тогаш дефинитивно можете да научите многу за оваа област од некој помлад, кој пораснал во ерата на компјутерите и смартфоните.
Повеќе се фокусираат на социјалните мрежи, отколку на реалниот живот
Денес е многу лесно да создадете потполно лажна слика за себе на Инстаграм или која било социјална мрежа. Но, бројните лајкови и коментари на фотките од „совршениот“ живот се бескорисни кога и самите знаете дека сето тоа е лага.
Сакаат да контролираат сè
Некои луѓе сакаат да контролираат сè околу нив, вклучувајќи го и однесувањето на нивните најблиски, но сите знаеме дека ова е невозможно.
Поради тоа, овие луѓе се постојано разочарани од другите, но и од себеси, и ништо не може да ги задоволи. Затоа, ако сфатите дека сте ваква личност, обидете се да се опуштите и престанете да се грижите премногу за нештата надвор од ваша контрола.
Постојано озборуваат
Нормално е одвреме-навреме да озборувате со некој близок пријател, но воопшто не е во ред ако постојано го правите тоа. Уште полошо е ако кажувате лоши работи зад грбот на вашите најблиски.
Со текот на времето, луѓето ќе сфатат дека сте личност која само озборува, па на крај никој нема да споделува ништо со вас.
„Заглавени“ се во минатото
Лесно е да ги критикувате младите и постојано да велите дека порано нештата биле подобри, децата биле попослушни и слично.
Сепак, светот постојано се менува и вие, сакале или не, мора да се адаптирате на тоа и да се обидете да ја видите и добрата страна на модерниот живот. Во спротивно, постојано ќе бидете фрустрирани и гневни.
Секако, ова не значи дека треба да дозволите погрешни вредности да стапат на сцена и секогаш може да се потрудите да влеете некоја мудрост кај младите, но не да форсирате и да не сакате да се помирите со промените, постојано критикувајќи ги за нивниот живот.
Даваат совети кога никој не ги побарал од нив
Буквално никој не сака да му „солите памет“ кога не го побарал вашиот совет. Можеби мислите дека правите добро, но со ваквите совети, без разлика за што се, само ја критикувате другата личност.
