Шведска е земјата на Волво, Икеа, Мајнкрафт и многу други омилени работи, во која има бесплатно образование, одличен здравствен систем, чист воздух и недопрена природа. Поради сето ова, многу луѓе се одлучуваат да живеат во Шведска.
Еве неколку неверојатни факти за истата:
1. Шведска е прва земја во Европската унија според бројот на патенти, која инвестира неверојатно многу во дигиталната технологија. Некои од патентите вклучуваат изум на пејсмејкер и овесно млеко.
2. Швеѓаните се многу ориентирани кон зачувување на животната средина и се отстранува само 1% отпад, а дури 52% се користат за производство на енергија, па така 47% се рециклираат. Дополнително, компаниите што произведуваат енергија од отпад увезуваат отпад и од околните земји!
3. Хиерархијата не е нагласена во оваа земја – политиката на компаниите е сите вработени да се обраќаат едни на други по име, па дури и студентите не им се обраќаат на професорите по нивната титула.
4. Приватниот простор овде е многу почитуван – не обидувајте се да започнете разговор со странец додека, на пример, чекате автобус.
5. Прашањата поврзани со приватниот живот, претходните работни места и семејствата се сметаат за крајно непристојни.
6. Да се најде стан во Шведска е многу тешко, а најтешко е во Стокхолм. Луѓето се наоѓаат на листи за чекање со години, а цените на недвижностите се астрономски. Единствената утеха е што становите за изнајмување се генерално во добра состојба.
7. Швеѓаните не се љубители на готовина и плаќаат дури и многу мали суми со кредитни картички. На некои места дури не се прифаќа плаќање со готовина.
8. На масата секогаш има специјален нож за путер направен од дрво и пластика. Секој што е на маса го дели и важно е да се почитува „редоследот на користење“.
9. Чевлите во кои шетате по улицата остануваат пред влезната врата, а носењето чевли низ станот е крајно некултурно. Затоа секој обраќа внимание на изгледот на неговите чорапи.
10. Стандардниот работен ден завршува во 17 часот и после тоа канцелариите се целосно празни. Родителите на мали деца заминуваат порано со цел да ги земат од градинка и училиште и бидејќи оваа потреба се подразбира, излегувањето од работа не го потенцираат на шефот.
11. Просечен Швеѓанец има 33 дена годишен одмор.
