Јоланда де Лучи, професорка по право од Шпанија, објавила фотографија на Твитер од алатка за препишување која пред неколку години ја запленила од нејзин студент.
Креативниот препишувач го изрезбал материјалот по казнено право на 11 пенкала.
„Чистејќи ја својата канцеларија, наидов на сувенир од факултет кој го запленив од еден студент пред неколку години. Казнено право на пенкала. Каква уметност!“, напишала Јоланда во објавата која ја лајкнале повеќе од 290.000 луѓе.
Haciendo orden en mi despacho he encontrado esta reliquia universitaria que confiscamos a un alumno hace unos años: el derecho procesal penal en bolis bic. Que arte! #laschuletasnosoncomoantes pic.twitter.com/3J4LMn0RQF
— Yolanda De Lucchi (@procesaleando) October 5, 2022
„Неверојатно е како, кога се врежани со механички средства, буквите имаат тенденција да репродуцираат римска рустика“, напишала една корисничка на Твитер.
„Добро го познавам авторот на тоа прекрасно дело“, открил еден Твитерџија и објаснил како биле направени пенкалата: „Техниката која уметникот ја користел, како што вели самиот, се состоела од замена на моливот со игла, што му овозможило исклучително едноставно пишување“.
Друга личност во коментари се присетила дека го правела истото уште во 80-те години.
„Го направив тоа во 1987 година со жолто „Bic“ пенкало. Не го користев бидејќи толку бев сконцентриран да го напишам што го научив материјалот“, гласи коментарот.
