Тетоважите имаат многу различни стилови, инспирации и значења. Секој уметник за тетоважи има свој различен стил,а некои од нив имаат и толку уникатни стилови што веднаш би ги препознале. Со сигурност можеме да кажеме дека mr.T Stucklife има многу поинаков стил од останатите. Не е ни чудо што почнал да привлекува повеќе луѓе на социјалните мрежи.
Младиот уметник за тетовирање е од Стокхолм, Шведска. Неговата работа е многу детална и фокусирана на реализмот. Уметникот исто така користи многу статуи во своите дела. Неговото портфолио е претежно направено од црно-бели тетоважи. Некои од неговите дела изгледаат како илузија – тетовираните статуи изгледаат како да се врежани и издлабени во телата на клиентите.
